ब्रिजधाम आश्रम येथे शांतवीर भजनी मंडळ यांचा “भजन संध्या” कार्यक्रम

ब्रिजधाम आश्रम येथे शांतवीर भजनी मंडळ यांचा “भजन संध्या” कार्यक्रम  
                सोलापूर : सोरेगाव ब्रिजधाम आश्रम येथील निसर्गरम्य हिरवळीवर ज्येष्ठ नागरिकांसाठी रविवार दि.  १०  मार्च  २०१९ रोजी सायंकाळी  ५ वाजता शांतवीर   भजनी मंडळ, कोंगाड, कुंभार गल्ली लष्कर  यांच्यावतीने भजनाच्या कार्यक्रमाचे आयोजन  करण्यात आले  होते.  या कार्यक्रमामध्ये भजन, गवळण, भारुड, अभंग  कार्यक्रम सादर करण्यात आला. भजनी मंडळातील कलाकारांनी मराठी  व कन्नड  भजनगीत ज्येष्ठ नागरिकांसमोर सादर करून प्रशंसा मिळवली. सर्व ज्येष्ठ नागरिक बंधू आणि भगिनी या भजन संध्येत मंत्रमुग्ध झाले.   
कार्यक्रमाची सुरुवात गणेश वंदनाने करण्यात आली  त्यानंतर “ दर्शन दे रे श्रीहरी ...”  या भजनाने करण्यात  आली. “कोण्या जन्माची का ग वैरीण झालीस, बंधू रामाला तू वनवासी धाडिली   .....”  “ पधारो अब तो राधे श्याम...”  “राधा तेरे चरणो मे श्यामा तेरी चरणो में .....”, “सुख दुःखाचा जिथे चालतो ते हि मंदिर पार अनुभवला संसार  ....”, “ गाडी चालली घुंगराची बात बाई डोंगराची ....”, “ पदर असा माझा ओढू नको भरला घडा माझा फोडू नको....”, “ सिद्धाराम द्या सागरा .... ( कन्नड मध्ये ) ”, “ भर दिवस दुपारी शोधून गेला हरी ...”, “ एक दोन तीन चार आला पंढरीचा वार ...”, “देव नू वंदे यल्ली  इरवरू ...- ( कन्नड मध्ये ) ”, “ ये भोळ्या शंकरा आवड तुला बेलाची, बेलाच्या पानांची .....”, “ धाव धाव स्वामी समर्था आलो मी तुला शरण आलो...”, अशा प्रकारे एकापेक्षा एक भावगीत, भक्तीगीत सादर करून ज्येष्ठ नागरीकांना प्रबोधनाची मेजवानी दिली.  प्रसंगी मल्लेश पेट्टी – हार्मोनियम , रायडू म्हेत्रे – पकवाज, दशरथ सज्जन व मल्लेश बागलकर – दुमडी वादक, राजू पेट्टी – झांज या कलाकारांनी गायक कलाकारांना साथ दिली.
त्यानंतर व्यंकटेश गवंडी समाज सोलापूर महिला मंडळ यांनी क्रांती सावित्रीबाई फुले यांना विनम्र अभिवादन करून महिला दिनानिमित्त मंडळाचे अध्यक्ष सौ. सुरेखा चंचलकर यांनी व त्यांच्या पदाधिकारी तर्फे शिंदे ताई , कमल पवार, अनुसुया रणसुबे, पुष्पा ताई, निकिता गोरे, अमृता चेतावली यांचा श्रीफळ व हार शाल देवून सत्कार करण्यात आला.व ब्रिजमोहन फोफलीया यांनी भाषण करताना म्हणाले कि या महिलांचे कार्य कौतुकास्पद आहे व त्यांनी यापुढे असेच कार्य करत रहावे. अशा शुभेच्छा दिल्या.
   तद प्रसंगी श्री रघुवीर शिराळकर ( पुण्यनगरी उप संपादक) यांनी श्री ब्रिजमोहनजी फोफलिया यांचा सत्कार केला.  
          कार्यक्रमाच्या शेवटी  ब्रिजमोहन फोफलिया यांनी सर्व कलाकारांचा सत्कार केला. व  सर्वांचे आभार मानले आणि  कार्यक्रमाची सांगता झाली. यावेळी सोलापुरातील ज्येष्ठ नागरिक मोठ्या संख्येने उपस्थितीत होते.