ब्रिजधाम आश्रम सोरेगाव येथे ‘मन की बात’ कार्यक्रम संपन्न

ब्रिजधाम आश्रम सोरेगाव येथे ‘मन की बात’ कार्यक्रम संपन्न

      सोलापूर- ब्रिजधाम आश्रम सोरेगाव येथे २५ जून रोजी सायंकाळी ५ वाजता ‘मन की बात’ हा कार्यक्रम संपन्न झाला. या कार्यक्रमात सर्व जेष्ठ नागरिकांनी  मनात झाकून ठेवलेल्या सुख-दु:खाच्या गोष्टी सांगितल्या. 

        या कार्यक्रमात श्री.ब्रिजमोहन फोफलीया यांनी ब्रिजधाम आश्रम कसा उभारला, त्या पाठीमागची कारणे, आश्रम उभारताना आलेले अनुभव व्यक्त केले. वृद्धांची सेवा हाच माझा परमार्थ असल्याचे त्यांनी सांगितले. जेष्ठ नागरिक श्री. सुहास माने  यांनी ‘नाते’ ही कविता सादर करून मनातल्या गोष्टी सांगितल्या.

काय मोठे इपरीत घडले

नात्यामध्ये अंतर वाढले

जवळची मानसं मुकी झाली

व्हॉंसप फेसबुकला तोंड आले

नाते ही कविता श्रोत्यांना खूपच भावली. जेष्ठ नागरिक श्री.वामनराव सातपुते, श्री.राजाराम उपाध्ये, श्री.भानुदास रणभंगारे आदि नागरिकांनी मनातल्या गोष्टी सांगितल्या. कार्यक्रमाच्या शेवटी  जून महिन्यात वाढदिवस असणाऱ्या सहा जेष्ठ नागरिकांचा हार घालून टाळ्यांच्या गजरात त्यांचा वाढदिवस साजरा करण्यात आला.  श्री.ब्रिजमोहन फोफलीया यांनी सुख-समृद्धी लाभो, उत्तम आरोग्य लाभो असा आशीर्वाद वाढदिवस असणाऱ्या जेष्ठ नागरिकांना दिला आणि  कार्यक्रमाची सांगता झाली.